भांगरभूंय | प्रतिनिधी
पणजी, प्रतिनिधी ः गोंयकार- एक पावल एकचाराचें हे संघटनेच्या बॅनरा खाला गोंयांतल्या सिवील सोसायटीन राश्ट्रीय एकता दिसाच्या निमतान एकता सभेचें आयोजन केलां. गोंयच्या वाडट्या धर्मीक असहिष्णुतेच्या अनुशंगान आयोजीत केल्ले हे सभेक पुराय गोंयच्यान बरो प्रतिसाद मेळत आसा. गोंयच्या विंगड विंगड समाजीक संघटनांनी हे सभेंत आपलो सहभाग जाहीर केला. ही सभा मडगांवच्या लोहिया मैदानाचेर मंगळार 31 आॅक्टोबराक सांजवेळां 4 वरां सावन सुरू जातली आनी तातूंत गोंयच्या धर्मीक एकचाराचेर भर आसतलो.
हे सभेक पुराय गोंयच्यान सुमार देड ते दोन हजार समाजीक कार्यकर्ते सहभागी जातले अशें सिवील सोसायटीचे वतीन निमंत्रक अनंत अग्नी हांणी सांगलां आनी गोंयचे जनतेन व्हडा संख्येन उपस्थीत रावचें म्हूण मागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
