भांगरभूंय | प्रतिनिधी
मडगांव, प्रतिनिधी : मालभाटांतल्या एका लॉजिंग बोर्डिंगांत तेलंगणाच्या एका तरणाट्यान आत्महत्त्या केली. ही घडणूक आयतारा उक्ताडार आयली. चेल्ली मुरली कृष्णा अशें ताचें नांव.
हे विशीं मेळिल्ले म्हायती प्रमाण, अर्थीक अडचणींक विटून कृष्णा हाणें आत्महत्त्या केली. कृष्णा हो तेलंगणाच्यान गोंयचे भोंवडेक आयिल्लो. जेन्ना तो लॉजाचे कुडींत आयिल्लो तेन्ना सावन सोरो पिवपाक सुरू केल्लें. चेल्ली हाका अर्थीक अडचण आशिल्ल्यान तो बरोच उबगल्लो. ताका लागून ताणें नितळसाण घराच्या जनेलाक बेडशीट बांदून गोळ घेतलो.
मडगांव पुलिसांनी पंचनामो करून कूड पोस्टमार्टमा खातीर हॉस्पिटलांत धाडल्या. पुलीस निरीक्षक तुळशीदास नायक हांच्या मार्गदर्शना खाला उपनिरीक्षक समीर गांवकार फुडलो तपास करतात
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
