भांगरभूंय | प्रतिनिधी
म्हापशें, प्रतिनिधी : म्हापशेंच्या पालिका बाजारांतल्या भाड्यान दुकानां घेतिल्ल्या दुर्कानदारांनी भाडेपट्टी कराराचें नुतनीकरण करूंक नाशिल्ल्यान म्हापशें पालिका मुख्याधिकार्यांनी खुबश्या वेपार्यांक सात दिसां भितर दुकानां खाली करपाची नोटीस दिल्या. हे विशीं म्हापशें वेपारी संघटनेन शेनवारा नगरविकास मंत्री विश्वजीत राणे हांकां निवेदन सादर करून संबंदीत नोटीस फाटीं घेवपाचे निर्देश दिवपाची मागणी केल्या.
चडश्या वेपार्यांनी भाडें कराराचें नुतनीकरण करपा खातीर गरजेचीं कागदपत्र पालिके कडेन पयलींच सादर केल्यात. पूण पालिकेन अजून संबंदीत कंत्राटाचें नुतनीकरण करूंक ना. वेपारी संघटनेचे अध्यक्ष श्रीपाद सावंत हांणीय ही चूक पालिकेची असो दावो ह्या निवेदनांत केला.
मजगतीं, २० फेब्रुवारी २०१५ दिसा तीन वर्सां खातीर केल्लो भाडें करार १९ फेब्रुवारी २०१८ दिसा काबार जालो. गोंय मालमत्ता कायद्या प्रमाण ते उपरांत दुकान भाडें कराराचें नुतनीकरण जावंक नाशिल्ल्यान आमी बेकायदेशीर रितीन दुकान ताब्यांत घेतलां अशें पालिकेचे मुखेली चंद्रकांत शेटकार हांणी सांगून २५ ऑक्टोबराक नोटीस जारी केल्या. नोटीस मेळ्ळे उपरांत एका सप्तका भितर दुकानां रितीं करपाची सुचोवणीय नोटीशेंत दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
