भांगरभूंय | प्रतिनिधी
मुंबय, खबरा संस्था: फाटल्या पांच ते स दशकां सावन मुंबयकारांक सेवा दिवपी आयकॉनीक पद्मीनी प्रिमियर कंपनीची काळ्या- हळदुव्या रंगाची टॅक्सी निमाणी इतिहास जमा जाल्या. निमाणे पद्मिनी प्रिमियर टॅक्सीची नोंदणी २९ ऑक्टोबर २००३ दिसा ताडदेव आरटीओंत जाल्ली.
पद्मिनी प्रिमियर टॅक्सींक दिल्ली २० वर्सां मेरेनची मर्यादा सोंपिल्ल्यान निमाण्या पद्मिनी प्रिमियराचो प्रवास सोंपला. सद्या वेगवेगळ्या कंपनींच्यो टॅक्सी काळ्या आनी हळदुव्यो टॅक्सी म्हणून शारांनी चलतात. पूण इतिहासीक पद्मिनी प्रिमियर टॅक्सीचो प्रवास आतां सोंपला.
एका काळार मुंबय आनी ताचे भोंवतणच्या वाठारांत काळी आनी हळदुव्या रंगाची ही पद्मिनी प्रिमियर टॅक्सी मुंबयकारांची आवडटी टॅक्सी आशिल्ली. पूण आतां बदलत्या काळाक लागून आरटीओन तिचे उपरांत आयिल्ल्याया कंपनींच्या गाडयांचो टॅक्सी म्हणून नोंदणी करपाक परवानगी दिल्या. तशेंच मोबायल ऍपाचेर खाजगी ओला- उबेर टॅक्सी सेवा आसा. मुंबयंतल्या बेस्ट उपक्रमाची निमाणी तांबड्या डिझेल डबल डेकर बशीक हालींच निरोप दिवन काडून उडयली. आतां ह्या मार्गांतल्यान आयिल्ली निमाणी पद्मिनी प्रिमियर टॅक्सी कायमची गेल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
