भांगरभूंय | प्रतिनिधी
मडकय: फाटले दोन म्हयने ह्या बस स्टॅण्डा वेलें पोरणें शौचालय मोडून नवें शौचालय बांदपा खातीर बंद केल्लें. हाका लागून इंदिरा मार्केट, पोरणें बस स्टॅण्ड वाठारांत घाणीचें साम्राज्य पातळ्ळां. पूण अजून लेगीत तो मोडिल्लोय ना आनी नव्या बांदकामाचें नांव ना.
शौचालय बंद जाल्यार प्रवाश्यांची गैरसोय जायत आसा. हातूंत बायलांची चड गैरसोय जाता. दादलो मनीस दुकानाच्या आडसाक उबे रावन मुत्र विसर्जन करतात. तातूंत वादावादी जातात. हाका लागून घाण पातळटा.
गाडेकारांक विचारतकूच हे घाणीक लागून गिरायक लेगीत येनात अशी तांची कागाळ आसा. फोंडें पालिकेन जाता तितले बेगीन हातूंत लक्ष घालचें आनी ह्या घाणींतल्यान मुक्त करचें अशी लोकांची आनी दुकानदारांची मागणी आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
