भांगरभूंय | प्रतिनिधी
मडगांव, प्रतिनिधी: लोटलेच्या भलायकी केंद्रा लागसारा बुधवारा रातचें पांच ते स जाणांनी येवन रॉयसन फर्नांडीस (१९) ह्या तरणाट्याक बडयलो. साद्या कारणा वयल्यान तांचे मदीं झगडें पेटलें. हे जाल्ले मारामारीन रॉयसन जखमी जाला. मारून पळून गेल्ल्यांक पुलीस सोदतात, अशें पुलिसांनी सांगलां.
हे विशीं चड म्हायती प्रमाण, बुधवारा रातचें सुमार ९.३० वरांचेर लोटली वानशेंच्या भलायकी केंद्रा लागसारा कांय तरणाटे गरोवपाक गेल्ले कडेन गर्लफ्रेंडच्या नांवां वयल्यान एकल्याक चाळोवपाक सुरवात जाली. उपरांत त्या रागान रॉयसनाचेर पांच ते स जाणांनी हल्लो केलो. हातूंत रॉयसनाचे तकलेक मार लागलो. हे विशीं मायणा कुडतरी पुलीस स्टेशनांत कागाळ नोंद जाल्या. निरीक्षक अरुण देसाय हांच्या मार्गदर्शना खाला फुडलो तपास सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
