भांगरभूंय | प्रतिनिधी
म्हापशें, प्रतिनिधी: पर्वरेचे पीडीए कॉलनींतलो बंगलो फोडून चोरान २ लाखांचें सामान चोरी केलें. ही घडणूक आयतारा २२ ऑक्टोबराक सांजेवेळार ५ ते रातचीं ९.४५ वरां मजगतीं घडली.
फिर्यादी दादापीर उडागट्टी हांच्या घरांत ही चोरी जाली. दादापीर आनी तांचें कुटूंब घराभायर आसलें. ही संद पळोवन चोर बंगल्याच्या मुखेल दाराचें कुलूप तोडून घरा भितर घुसले. आल्मारी फोडून चार मुदयो, एक कर्णफुलांची जोडी आनी २० हजार रूपया मेळून सुमार २ लाखांचें सामान चोरी केलें.
हें कुटूंब घरां परतल्या उपरांत चोरी जाल्ल्याचें तांच्या लक्षांत आयलें. उडागट्टी हांणी पर्वरी पुलीस स्टेशनाचेर वचून कागाळ केली. पुलिसांनी घडणुके सुवातेर येवन पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
