भांगरभूंय | प्रतिनिधी
पणजी, प्रतिनिधी : पर्यावरण संवेदनशील वाठारांत शेती कसपा सयत घरां दुरुस्त करपाची मेकळीक आसता. प्रदूषण करपी उद्देग मात येवं शका ना, अशे मुख्यमंत्री डॉ. प्रमोद सावंत हांणी स्पष्ट केला.
हांव मुख्यमंत्री जालो, तेन्ना सावन म्हणजे 2019 वर्सा सावन पर्यावरण संवेदनशील वाठार प्रस्नाची फाटपुरवण करीत आसा. पयलीं राज्यातलीं 99 गांवां पर्यावरण संवेदनशील वाठारांत येताली. हातुंतलीं 40 गांवां भायर काडचीं, अशी मागणी आसा. केंद्रीय पर्यावरण मंत्री भूपेंद्र सिंग हांकां पत्र बरोवन हांवें ही मागणी केल्या. हीं 40 गांवां, पर्यावरण संवेदनशील वाठाराच्या निकशात बसनात. समजा आनीक 10 गावांचो पर्यावरण संवेदनशील वाठारात आसपाव जालो, जाल्यार राज्यातली 69 गांव पर्यावरण संवेदनशील वाठारांत येवप शक्य आसा. निकशांचो अभ्यास करून तज्ज्ञ समिती निर्णय घेतली. पर्यावरण संवेदनशील वाठार निश्चित करपाची प्रक्रिया सुरू आसा, अशें मुख्यमंत्री सावंत हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
