कुडीक निरोगी दवरपाक खायात हरव्यो भाजयो
भांगरभूंय | प्रतिनिधी
कुडीक निरोगी आनी फिट दवरपाखातीर लोक वेगवेगळ्या प्रकारचे आहार पाळटात. पूण केन्ना केन्ना आहारांत बदल केल्यार व्हडलोसो फायदो जायना. फकत आहारच न्हय, तर लोक जिमांत वचपा वांगडाच पूरक पदार्थूय घेतात. पूण ह्या सगळ्या यत्नां उपरांत लेगीत कांय जाणांक थाकाय येता. भलायकी तज्ञांच्या म्हणण्या प्रमाण कांय हरवीं, कच्चीं खाणां आसात, तांचो फायदो शिजयल्ल्या खाणां परस चड जाता. तांतूत पोशक तत्वां आसतात. तें हरवें अन्न फकत कुडीक फायदेशीर न्हय, तर रोगप्रतिकार शक्त वाडयतात.
गाजर
हरवें गाजरांत कार्बोहायड्रेट, तंतू, जीवनसत्व ए, के, सी, पोटॅशियम आनी लोखण हीं जीवनसत्वां भरपूर आसतात. गाजर शिजोवन खावपा परस तशेंच खावप चड फायद्याचें. तातूंतलें अँटीऑक्सिडंट दोळे, कात आनी पोटाच्या समस्यां खातीर फायदेशीर आसतात.
बीट
हिमोग्लोबीनाची उणीव आसल्यार आहारांत बीट खावचे. हें खाल्यार हिमोग्लोबीन वाडटाच तेच बरोबर रोगप्रतिकार शक्त वाडटा. तशेंच सॅलडांत घालून बीट खावंक मेळटात. जाय जाल्यार ताचो रोस पियेवंक मेळटा. बीट काळजाचे दुयेंस, कॅन्सर, यकृत ह्या सारक्या जायत्या दुयेंसा पसून राखण करता.
तोमाट
टोमॅटोंत जावनस्तव ए, सी, तंतू आनी कॅल्शियम सारकिल्ले पोशक तत्व आसतात. भाजयेची रुच बदलपी टोमॅटो सॅलडांतय घालून खातात. अँटीऑक्सिडेंट गुणधर्म भरपूर आशिल्लो टोमॅटो गोडेंमूत, कॅन्सर ह्या सारक्या जायत्या दुयेंसां पासून राखण करता.
देखून आतां सावन निरोगी रावपा खातीर ह्यो हरव्यो भाजयो खावपाक सुरवात करात. खास करून सॅलड करून. मात खावचे पयलीं नितळ धुंवात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
