स्मार्ट सिटी काम : माती पडून कामगाराक मरण
भांगरभूंय | प्रतिनिधी
पणजी, प्रतिनिधी ः पानवेल – रायबंदरच्या दिवाडी फेरी लागसार स्मार्ट सिटीचें काम करताना एक कामगार मातये भितर आडकल्लो. ताका भायर काडपाचे यत्न उजो पालोवपी दळाच्या जवानांनी केले. ताका भायर काडटकच जीएमसींत व्हेलो. पूण दोतोरांनी ताका मरण आयलां, अशें जाहीर केलें.
मेळिल्ले म्हायती प्रमाण, आयज सकाळीं दिवाडी फेरी लागसार स्मार्ट सिटीच्या कामा खातीर खणटाले. इतल्यान उदक लागलें आनी कांय खिणांक माती कोसळ्ळी. ती एका कामगाराचेर पडली. आनी तो आडकून उरलो. पुलीस, उजो पालोवपी दळ आनी बचाव पंगडाक म्हायती मेळ्ळे बरोबर ते सुवातेर पावले आनी यत्न करुन ताका भायर काडलो. 108 एम्ब्युलन्सीन जीएमसीत व्हेलो. पूण दोतोरांनी ताका मरण आयिल्ल्याचें सांगलें. हे घडणुकेक लागून पोरणें गोंय- पणजी मार्गाचेर येरादारीची कोंयडी जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
