भांगरभूंय | प्रतिनिधी
केपें, प्रतिनिधी: रिवणां – सांगें हांगा शेनवारा रातचो हाडवेयर आनी रेशन दुकानाक उजो लागून सुमार १५ लाख रुपयांचें लुकसाण जालें. कुडचडें उजो पालोवपी दळाच्या जवानांनी तीन वरांनी उज्याचेर नियंत्रण मेळयलें.
शेनवारा रातच्या १२ वरांचेर अचकीत रिवण बाजारांतल्या एका हाडवेयर दुकानाक उजो लागिल्ल्याचें कळ्ळ्या उपरांत हाची म्हायती लोकांनी कुडचडेंच्या उजो पालोवपी दळाक दिली. उज्याक बरोच नेट आयिल्ल्यान तो पालोवपा खातीर दोन गाडयो मागयल्यो. तशेंच ह्या हाडवेअर दुकानाच्या कुशीक आशिल्लें रेशन दुकानाकूय उजो लागलो. तशेंच आनीक दोन दुकानांकूय उज्याचो फटको बसलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
