भांगरभूंय | प्रतिनिधी
८० लाखां परस चड लुकसाण
फोंडें, प्रतिनिधी: कुळें पंचायतीच्या कोयर प्रकल्पाक उजो लागून सुमार ८० लाखां परस चड रुपयांचें लुकसाण जालें. फांतोडेर ४ वरांचेर कुडचडें आनी फोंडें उजो पालोवपी दळाच्या कामगारांनी उज्याचेर पुरायेन नियंत्रण मेळयलें. हो उजो अनवळख्यांनी लायिल्ल्याचो दुबाव आसा. आयज कुळें पुलीस स्टेशनांत पंचायत मंडळान दुबाविता आड कागाळ नोंद केल्या. निरीक्षक सगुण सावंत हांच्या मार्गदर्शना खाला उपनिरीक्षक अजय धुरी फुडलो तपास करतात.
कुळें पंचायत वाठारांतलो कोयर एकठांय करून ह्या प्रकल्पांत ताचेर प्रक्रिया करताले. ह्या कोयर प्रकल्पाक शेनवारा दुबावितांनी उजो लायिल्ल्यान पुराय प्रकल्प जळून गोबोर जालो. ह्या प्रकल्पांतली म्हारग मशीनरीय उज्यांत जळून गेल्यो. तशेंच प्रकल्पा पसून सुमार ५० ते १०० मिटर अंतराचेर आशिल्ल्या जिमाकूय उजो लागून लुकसाण जालें. ताका लागून उजो कोणेतरी लायिल्ल्याचो दुबाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
