भांगरभूंय | प्रतिनिधी
म्हापशें, प्रतिनिधी ः नेरूल (निल्ला) हांगाच्या बँक ऑफ इंडियाच्या फाट्यांत २ हजार रूपयांच्यो स बनावट नोटी जमा जाल्यो. हे संबंदी पर्वरी पुलिसांनी चंद्रा गोरख सिंह (रा. मूळ बंगळूर) हांचे आड गुन्यांव नोंद केला. दुबावीत हॉटेल कर्मचारी जावन आसा.
ही घडणूक फाटल्या १४ जून २०२३ दिसा घडिल्ली. दुबावी चंद्रा सिंह हांणी आपल्या खात्यांत २ हजार रूपयांच्यो स नोटी मेळून १२ हजार रूपया जमा केल्ले. उपरांत ते पयशे बँकेच्या कांपाल – पणजी फाट्यांत जमा गेले. तेन्ना सीआर मशीनांत खातेदारान जमा केल्ल्यो दोन हजारांच्यो स नोटी बनावट आशिल्ल्याचें कळ्ळें.
हे विशीं बँक ऑफ इंडियाच्या कांपाल – पणजी फांट्याचे वेवस्थापक एच. तोस्काना हांणी पुलिशेंत कागाळ दाखल केली. ते प्रमाण १३ ऑक्टोबराक पुलिसांनी दुबावितां आड गुन्यांव दाखल केलो. फुडलो तपास पर्वरी पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
