भांगरभूंय | प्रतिनिधी
आसगांवच्या बावरी रेस्टॉरन्टांतली घडणूक
म्हापशें, प्रतिनिधी ः आसगांवच्या बावरी रेस्टॉरन्टाचो कॅशियर आशिश प्रताप सिंह (22, उत्तर प्रदेश) देड लाख रुपया घेवन पळ काडलो. हे प्रकरणांत हणजुणे पुलिसांनी दुबावीत आशीष प्रतापा आड चोरयेचो गुन्यांव नोंद केला.
फाटल्या 5 ऑक्टोबराक रातच्या 8.30 वरांचेर ही चोरी जाल्ली. ह्या प्रकरणां विशीं रेस्टॉरन्ट धनी प्रणय मेहरा हांणी 13 ऑक्टोबराक पुलिशेंत कागाळ केल्ली. घडणुकेच्या दिसा दुबावितान रेस्टॉरन्टचे सेफ लॉकर उगडून देड लाख रुपया घेतले आनी पळ काडलो.
तो परत आयलो ना. तपासांत सेफ लॉकरांतल्यान देड लाख रुपया गायब आसात, अशें दिसून आयलें. उपरांत पुलिशेंत कागाळ दाखल केली. पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
