भांगरभूंय | प्रतिनिधी
जायत्या जाणांची सकाळ च्या वांगडा सुरु जाता. कांय जाणांक दिसांतल्यान खूब फावटीं च्या पियेवपाची संवय आसता. च्या पियेवपाक हॉटेलांत वा च्याचे टपरीचेर गेल्यार पयलींच थंड जाल्ली च्या परतून गरम करुन दितात. केन्ना केन्नाय आमी घरांतय तशें करतात. पूण अशें केल्यार तें कुडीक खूब धोक्याचे थारूंक शकता.
4 वरां परस चड वेळ च्या दवरून मागीर परतून गरम करून पियेतात तर ती संवय रोखडीच बंद करात. कारण त्या उरिल्ल्या च्यात चिथो आनी बॅक्टेरिया सारकिल्ले जंतू वाडपाक लागतात. हाका लागून भलायकेचें व्हड लुकसाण जावंक शकता.
बॅक्टेरिया वाडटात
41 ते 140 अंश फारेनहाइट हांचेमदल्या उश्णतेक लागून च्यात अन्न विखारी बॅक्टेरिया वाडटात. दुदाचे च्या खातीर तर हे खूबच धोक्याचें. दुदाक लागून बॅक्टेरिया बेगीन तयार जातात. च्या परतून गरम केल्यार तांकां मरण येना.
सगळे पोशक तत्व नश्ट जातात
हर्बल च्याची गजाल म्हणल्यार परतून गरम केल्यार तातूंतलें सगळें पोशक तत्व नश्ट जाता. ते भायर च्यांत जायते गरजेचे घटक आसतात जे चड उश्णतायेक लागून पुरायपणान नश्ट जातात. देखून अशी च्या पियेवप धोक्याचे थारता.
पोटाचे दुयेंस जावंक शकतात
च्या परत परत गरम करुन पियेवपाची संवय मोडली ना जाल्यार ताचो भलायकेचेर परिणाम जावंक शकता. पोट दुखप, अतिसार, पोट फुगप, मळमळ आनी पचन संबंदीत आनी हेर जायते त्रास जावंक शकतात. शक्यतो च्या सकाळीं आनी सांजची अशी दोनूच फावट एक- एक कप पियेल्यार बरी.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
