भांगरभूंय | प्रतिनिधी
फोंडें: खांडेपारा रस्त्याचे कुशीची उदकाची पायपलायन शुक्रारा सकाळीं फुटली. पायपलायन फुटिल्ल्यान शेंकड्यांनी लिटर उदक रस्त्या वयल्यान व्हांवून पेड्डेर जालें. बांदकाम खात्यान तत्काळ दखल घेवन दुरुस्तीकामाक सुरवात केली.
खांडेपारा रस्त्याचे कुशीची उदकाची पोरणी पायपलायन शुक्रारा सकाळीं फुटली. ही गजाल थळाव्या लोकांनी ओपा प्रकल्पाच्या कर्मचाऱ्यांक सांगली. ते उपरांत ताकतिकेन पायपलायनींतल्यान जावपी उदका पुरवण बंद केली आनी रोखडेंच दुरुस्तीकाम हातांत घेतलें.
कांय दिसां सावन खांडेपारच्या घातक थारपी जंक्शना वयल्यान येरादारी बंद केल्या. ताका लागून उदकाची पायपलायन फुटिल्ल्यान येरादारीक आडखळ जावंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
