भांगरभूंय | प्रतिनिधी
पणजी, खबरां मेज : गोवा कोंकणी अकादेमीच्या मो. दाल्गादो ग्रंथालयांत कोंकणी, मराठी, हिन्दी, इंग्लीश पुस्तकांचो व्हडलो संग्रह आसा. सगळ्या वाचकांक संग्रहाचो लाव जावचो म्हूण ग्रंथालयान वाचकां खातीर वांगडीपद दिवप सुरु केलां. तेन्ना विद्यार्थ्यांनी, शिक्षकांनी आनी लेखकांनी ताचो लाव घेवचो, अशी विनवणी अकादेमीन केल्या. ग्रंथालय वांगडीपद फॉर्म वेबसायटीचेर आनी ग्रंथालयांत उपलब्ध आसा. फॉर्म भरुन अकादेमीच्या कार्यालयांत दिवचे. वांगडा पासपोर्ट आकाराचे दोन फोटो, आधार कार्डाची प्रत आनी वांगडीपदा खातीर फी रु. 200/- फारीक करची.
फॉर्म भरले उपरांत मेम्बरशिप कार्ड अकादेमी तेच दिसा दितली. अकादेमीचे कार्यालय बी. एस. एन. एल. बिल्डींग, 5 वो माळो, पाटो प्लाझा, पणजी – गोंय हांगासर आसा. अधिक माहिती खातीर अकादेमीच्या 77758 91857 ह्या फोनाचेर संपर्क करचो, अशें कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
