तुमकां अॅसिडिटीचो त्रास जाता?

भांगरभूंय | प्रतिनिधी

जेवणा उपरांत तुमकां अॅसिडीटीचो त्रास जाता जाल्यार हाचेर आडनदर करूं नाकात. ताका लागून हेर दुयेंसां जावपाक शकतात. जेन्ना पोटांतली गॅस्ट्रीक ग्रंथी चड प्रमाणांत अॅसीड तयार करपाक लागता तेन्ना अॅलिडीटी जाता.
अॅलिडिटी खुबश्या कारणांक लागून जावंक शकता. चड मसाल्याचे जिनस खावप, जेवल्या उपरांत रोखडेंच न्हिदप, रातचें जागरण करप…. हीं अॅसिडीटी जावपाचीं कारणां. ताण, सिगारेट, सोरो, व्यायामाचो उणाव आनी वायट जिणे पद्दतूय हाका जापसालदार आसा. हे समस्येक लागून पोटांत धवळप, आंबट धेंकर येवप, कोठ्याची पिडा आनी अपचन जाता.
खावपाचे संवये वांगडा जिणे पद्दतींत बदल घडोवन ही समस्या सोडोवंक मेळटा. अॅसिडीटी जाल्यार कांय उपाय करूं येता.

• एक ते दोन चमचे कोथमीर उदकांत रातभर भिजत दवरात. हें उदक सकाळीं गाळून पियात. रिकाम्या पोटार. अॅलिडिटीची समस्या पयस करपा खातीर हें खूब प्रभावी आसा.
• रेस्टॉरंटांनी जेवणा उपरांत खडीसाखर आनी बडीशप दितात. हे फकत मावथ फ्रेशनर न्हय तर ते अॅलिडिटीची समस्याय पयस करपाक शकता. ताका लागून अर्दो चमचो बडीशेप आनी तितल्याच प्रमाणांत खडीसाखर चाबून खावची.
• तशेंच किशमिश (काळीं पासां) खाल्यार तुमकां फायद्याचें थारतलें. सुमार १० पासां दिसाक खायात. तीं रातभर उदकांत भिजोवन दवरून सकाळीं खायात. कोथमिरेचें उदक पिल्या उपरांत तीं खावप चड फायद्याचें. कांय दीस तुमी हो प्रयोग केल्यार तुमकां अॅलिडीटीचो त्रास जावचो ना. पचनूय बरें जातलें. तर हे उपाय करून पळयात. कांय दिसां भितर तुमकां फरक जाणवतलो.