भांगरभूंय | प्रतिनिधी
कुडटरे एका गटा कडल्यान जालो विरोध
मडगांव: कुडटरींतल्या रायतळ्यांतल्या नुस्त्याचे विक्री खातीर आयतारा सकाळीं पावणी दवरिल्ली. त्या वेळार तळ्याचे वयले वटेन आशिल्ल्या नुस्तेमारां कडल्यान समितींत घेवपाची मागणी करून पावणेक विरोध केलो. पुलीस आनी मामलेदारा कडल्यान कांय कागाळी बी आसत जाल्यार कचेरेंत अर्ज करपाक सांगलें. उपरांत तळ्यांतल्या नुस्त्याचे पावणेची प्रक्रिया पुराय केली.
रायतळें कुडटरी हांगासरल्या बस स्टॉपा कुशीक रायतळ्यांतल्या नुस्त्याची पावणी करपा खातीर नोटीस काडिल्ली. वायंगोनडे आनी रायतळें असोसिएशना कडल्यानूय ही पावणेची प्रक्रिया मामलेदाराचे परवागने उपरांत करताले. रायतळ्याचे दुसरे वटेचे शेतकार आशिल्ल्या मिंगेल फर्नांडीस हांणी समितींतल्यान आपणाक काडून कित्याक उडयलो असो प्रस्न करून समितीन फक्त एकूच बसका घेवन पावणेचो निर्णय घेतलो. त्या वेळार शेतकारांक आपोवंक नाशिल्ल्याचें सांगून समितींत तळ्याच्या दोनूय वटानच्या शेतकारांचो आस्पाव करचो अशी मागणी केली.
मायणा कुडटरी पुलिसांनी दोनूय गटांचें म्हणणें आयकून घेतलें. तशेंच दोन वर्सां पयलीं मिंगेल हो भांडारी आशिल्लो. उपरांत ताका काडिल्लो अशें दिसून आयले उपरांत हे विशीं मामलेदारा कडेन कागाळ करपाक सांगलें.
उपरांत मामलेदाराक विरोध करपी गटाक कचेरेंत अर्ज करून म्हणणें मांडपाक सांगलें. उपरांत समितीन पावणेची प्रक्रिया पुराय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
