भांगरभूंय | प्रतिनिधी
नवी दिल्ली, खबरां संस्थाः केंद्रीय माध्यमीक शिक्षण मंडळा वतीन दरेके परीक्षेंत अकावंटन्सी परीक्षेच्या उत्तर पत्रकांत छापून आयिल्लो चार्ट दिताले. पूण आतां हें पत्रक उपलब्ध करून दिवचें ना, असो व्हड निर्णय घेतला. अंदूंच्यान हो नेम लागू जातलो. हाचो अर्थ आतां विद्यार्थ्यांक हेर विशयां प्रमाण उत्तरपत्रिका दितले, पूण तातूंत कसलेच तरेचें पत्रक दिवचें ना.
केंद्रीय माध्यमीक शिक्षण मंडळान अंदूं 12 वे वाणिज्य परिक्षे संबंदी निर्णय घेतला. फुडें बारावेचे लेखा परिक्षेची उत्तरपत्रिकाय हेर विशयांचे उत्तरपत्रिके सारकीच आसतली अशी म्हायती मंडळान दिल्या. विद्यार्थ्यांक नेमा प्रमाण परिक्षेक हाजीर रावपाचो सल्लोय दिला. बारावेक शिकपी विद्यार्थी www.cbse.gov.in ही अधिकृत वेबसायट पळोवपाक शकता. 2024 वर्सा जावपी बोर्ड परिक्षेची तारीख केंद्रीय माध्यमीक शिक्षण मंडळ बेगीनूच जाहीर करतलें.
CBSE बोर्डान यत्ता 9 वी आनी 11 वे खातीर नोंदणी डेटा सबमीट करपाची तारीख वाडयल्या. आतां शाळा मुखेली 25 ऑक्टोबर 2023 मेरेन विलंब शुल्का बगर हो डेटा सबमीट करपाक शकतात. हाचे उपरांत दुसरी संद दिवचे ना म्हणून शाळांक विलंब शुल्क टाळपा खातीर वेळार म्हायती मंडळा कडेन शेअर करपाचो सल्लो दिला.
डेटाशीट कशें तपासचें
सुरवातेक, सेंट्रल बोर्ड ऑफ सेकंडरी एज्युकेशन (CBSE) चे अधिकृत वेबसायट cbse.gov.in चेर वचात.
उपरांत CBSE यत्ता 10 वी वा CBSE 12वी तारीख पत्रक 2024 ह्या पिडीएफ लिंकाचेर क्लिक करात.
उपरांत स्क्रिनिचेर CBSE परीक्षेची तारीख 2024 पिडीएफ फायल दिसतली.
आतां परिक्षेची तारीख, वेळ आनी हेर म्हत्वाच्यो सुचवण्यो तपासात.
मागीर विद्यार्थ्यांनी तें डावनलोड करचें.
फुडल्या गरजां खातीर विद्यार्थ्यांनी ताची प्रिंट आवट घेवची.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
