भांगरभूंय | प्रतिनिधी
राष्ट्रीय रेड रन 2023 व्हड प्रतिसाद
पणजी, प्रतिनिधी : एड्स दुयेतीक सन्मानाची वागणूक मेळपाक जाय. तांचे आड कसल्याच प्रकारचो भेदभाव जावपाक फाव ना. भेदभाव जाता अशें दिसल्यार 1097 नंबर डायल करून कागाळ करपाची मेकळीक आसा, अशे मुख्यमंत्री डॉ. प्रमोद सावंत हांणी सांगलें.
एड्स जागृताये खातीर आयज राष्ट्रीय रेड रन 2023 कार्यावळ जाली. पुरस्कार भेटोवन जातकच मुख्यमंत्री उलयताले.
केंद्रीय भलायकी मंत्रालयाची राष्ट्रीय एड्स नियंत्रण संस्था आनी गोंयचे एड्स नियंत्रण संस्थेन रेड रन जागृताय कार्यावळीचें आयोजन केल्लें. 10 आनी 2 किमी गटांत धांवपाच्यो सर्ती जाल्यो. साबार राज्यांतल्या 157 जणांनी सर्तींत वांटो घेतलो. तशेंच 800 लोक वांटेकार जाले. बांबोळेच्या साग मैदानाचेर कार्यावळीचें उक्तावण जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
