अफघाणिस्तानांत भुकंपांत 2 हजारां परस चड लोकांक मरण
भांगरभूंय | प्रतिनिधी
काबूल, खबरां संस्था ः अस्तंत अफगाणिस्तानांत शेनवारा खर भूंयकांप जालो. तातूंत आतां मेरेन 2 हजारां परस चड जाणांक मरण आयिल्ल्याची म्हायती जोड राष्ट्रांनी दिल्या. हेरात शारांत पांच भूंयकांपाचे धक्के बशिल्ल्याचें थळाव्यांनी सांगलां.
ह्या भुंयकांपाचो केंद्रबिंदू हेरात शाराचे वायव्येक 40 किमी चेर आसा. अमेरिकेच्या भूगर्भशास्त्र विभागाच्या नोंदी प्रमाण 6.3 रिश्चर तांकीचे दोन खर धक्के बसले. भुंयकापा उपरांत 5.5 खर धक्के थंय जाणवले. भुंयकांपाक लागून लोक घरा भायर पडले. कार्यालयां आनी दुकानां रिकामी केलीं. भुंयकांपाचे आनीकूय धक्के बसपाचो भंय लोकांक दिसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
