भांगरभूंय | प्रतिनिधी
मडगाव, प्रतिनिधी : कोकण रेल्वे मार्गाचेर 10 ऑक्टोबराक मेगाब्लॉक आसतलो. कडवय – रत्नागिरी विभाग आनी मडगाव – कुमटा विभागां मदले मालमत्तेच्या कामा खातीर हो मेगाब्लॉक आसतलो.
मंगळारा जावपी ह्या मेगाब्लॉकाचो परिणाम पांच गाड्यांचेर जातलो. कोकण रेल्वेन दिल्ले म्हायती प्रमाण, मंगळार ता. 10 ऑक्टोबराक कडवय – रत्नागिरी विभागांत तीन वरां मेगाब्लॉक आसतलो. ताका लागून गाडी क्र. १९५७७ तिरुनेलवेली जं. – 9 तारखेक सुरू जातलें. जामनगर एक्स्प्रेसचो ठोकूर ते रत्नागिरी विभागा मजगतींचो प्रवास 3 वरां खातीर नियमीत करतले. गाडी क्र. 16346 तिरुवनंतपुरम सेंट्रल – लोकमान्य टिळक (टी) नेत्रावती एक्स्प्रेसचो 9 वेर सुरू जावपी प्रवास ठोकूर – रत्नागिरी विभागा मजगतीं देड वरां खातीर नियमीत करतले. गाडी क्र. 12051 मुंबय सीएसएमटी – मडगांव जं. जनशताब्दी एक्स्प्रेसचो 10 ऑक्टोबराक सुरू जावपी प्रवास खेड – चिपळूण विभागा मजगतीं 20 मिनिटां खातीर नियमीत करतले.
12 ऑक्टोबराक मडगाव – कुमटा विभागा मजगती सकाळीं 11 ते दनपरां 2 वरां मेरेन जतनायेच्या कामां खातीर मेगाब्लॉक आसतलो. ताका लागून दोन गाडयांचे रेल्वे सेवेचेर परिणाम जातलो.
तारीख 12 ऑक्टोबराक रेल्वे क्र. 06602 मंगळुरु सेंट्रल – मडगांव जंक्शन हिचो सुरू जावपी प्रवास कुमटा स्टेशनाचेर सोंपतलो. हे गाडयेचो कुमटा ते मडगांव ह्या विभागा मजगतींचो प्रवास अंशतः रद्द केला. जाल्यार गाडी क्र. 06601 मडगांव जंक्शन – मंगळुरु सेंट्रलचो 12 वेर सुरू जावपी विशेश प्रवास कुमटा स्टेशना पसून नियोजीत वेळार सुरू जातलो आनी मडगांव जंक्शन ते कुमठा विभागा मजगतींचो प्रवास अंशतः रद्द केला. प्रवाशांनी हाची नोंद घेवची असो उलो कोकण रेल्वे प्रशासनान मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
