भांगरभूंय | प्रतिनिधी
बेलगांवी : रेल्वे मंत्रालयाचे वांगडी (साधनसुविधा) आनी एक्स ऑफिसियो सचीव रूप नारायण सुनकर हांणी हालींच हुब्बल्ली विभागाक भेट दिवन मडगांव ते हुब्बल्ली मेरेन रेल्वे मार्गाची तपासणी केली. ह्या वेळार एसडब्ल्यूआरचे सरव्यवस्थापक संजीव किशोर तांचे वांगडा आसले. एसडब्ल्यूआर प्रिन्सिपल चीफ इंजिनियर रामगोपाल हेय हाजीर आसले.
मार्गांत तांणी कॅसल रॉक, एसएसएस हुब्बल्ली, होसापेट ह्या मुखेल स्टेशनांची तपासणी केली आनी रेल्वेमार्गाकडेन संबंदीत आशिल्ल्या वेगवेगळ्या मापदंडांचोय नियाळ घेतलो. एसडब्ल्यूआर मुख्यालयांतल्या एसआर अधिकाऱ्यां कडेन संवाद सादलो आनी रेल्वे कार्यावळी आनी देखरेखींत सुदारणा, अडचणी काडून उडोवप, रेल्वे नेटवर्काची गती आनी तांक वाडोवपा विशीं आपलो अणभव, मार्गदर्शन आनी सल्लो दिलो.
तांणी एसडब्ल्यूआरच्या वेगवेगळ्या प्रकल्पांच्या प्रगतीचो नियाळ घेतलो. तशेंच एसडब्ल्यूआरच्या मुखेल अधिकाऱ्यां कडेन मोलादीक चर्चा केली. एसडब्ल्यूआर पंगडान आतां मेरेनच्या सगळ्यांत चड मालवाहतूक लोडिंग साध्य करपाक येश जोडलां.
“ सुरक्षेक पयलें प्राधान्य आसता. कार्यक्षम रेल्वे कार्यावळी खातीर ट्रॅकाची योग्य देखरेख करपाक फावो तें म्हत्व दिवपाचें आसा. दर्जो, सुरक्षीतताय गरजेची आसा आनी प्रवाशांक कसलीच असुविधा जावची न्हय असो यत्न करचो पडटलो अशें श्री सुनकर हांणी सांगलें
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
