भांगरभूंय | प्रतिनिधी
भांगरभूंय । प्रतिनिधी
फोंडेंः कुंडय तें मडकय बायपास रस्त्यार बिबटो दिसपाक लागल्ल्यान वाहन चालकां मदीं भिरातीचें वातावरण पातळ्ळां. दोन दिसां आदीं सांजे 6.30च्या सुमाराक बिबटो एके दुचाकीच्या फाटल्यान लागलो अशी वंदता आसा. ह्या रस्त्या वयल्यान सांजे बरेच लोक दुचाकी घेवन येतात आनी वतात. ताकां बिबट्या पसून धोको उप्रासपाक शकता.
सीमेपायण- म्हार्दोळ हांगा वयले वटेन आशिल्ल्या बायपास रस्त्यार तीन दिसां आदीं एक बिबटो दुचाकी फाल्यान धावलो. व्हो दुचाकी चालक बांबोळेच्या जीएमसींतल्यान सांजे घरा वतना बिवटो अकस्मात रस्त्यार आयलो आनी दुचाकी फाटल्यान लागलो अशी खबर ह्या वाठारांत पातळ्ळ्या. सीमेपायण वाठारांतल्या जायत्या जाणाचे पाळल्ले कुत्रे ना जावपाच्यो घडणुको जाल्यात. बिबटो शिकार सोदपाक फिरता आसतलो अशें लोकांक दिसता.
कांय दिसां पयलीं फोंडें वाठारांत बिबट्याचो वावर आशिल्लो. तो आता कमी जाला. कुंडय- मडकय बायपास रस्त्यार बिबटो फिरतना दिसपाक लागल्ल्यान ताचो बंदोबस्त करपा खातीर रानां खात्यान फावो ती उपाय येजवण करची अशी ह्या वाठारांतल्या लोकांची मागणी आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
