भांगरभूंय | प्रतिनिधी
१५ नोव्हेंबर ते ७ डिसेंबर मेरेन विधानसभा वेंचणुको
नवी दिल्ली, खबरां संस्था : देशांतल्या ५ राज्यांनी म्हळ्यार राजस्थान, मध्य प्रदेश, छत्तीसगड, तेलंगणा आनी मिझोरामांत विधानसभा वेंचणूक जावपाची आसा. हे संबंदी दिल्लींत वेंचणूक आयोगाची बसका चालू आसा. हे बसकेंत पांचूय राज्यांतले वेंचणूक निरिक्षकांचो आसपाव आसा. मुखेल वेंचणूक आयुक्त राजीव कुमार हाजीर आसात.
ह्या पांचूय राज्यांनी १५ नोव्हेंबर ते ७ डिसेंबर मेरेन मतदान जावपाक शकता. तारखो ८ ऑक्टोबरा उपरांत केन्नाय जाहीर जातल्यो. २०१८ त ६ ऑक्टोबराक तारखो जाहीर केल्ल्यो.
निवडणूक आयोगाच्या सुत्रां प्रमाण, राजस्थान, मध्य प्रदेश, मिझोराम आनी तेलंगणांत २०१८च्या वेळा प्रमाण एकाच टप्प्यांत मतदान जावपाक शकता.
पांच राज्यांनी मतदानाच्यो तारखो बदलपाक शकतात. पांचूय राज्यांतली मतमेजणी १० ते १५ ऑक्टोबर मजगतीं एकाच वेळार जावपाक शकता. ज्यो पांच राज्यांनी वेंचणुको जावपाच्यो आसात तातूंतल्या चार राज्यांनी दादल्यां परस बायलां मतदारांचो आंकडो चड आसा.
मिझोराम विधानसभेचो कार्यकाळ
मिझोराम विधानसभेचो कार्यकाळ अंदूं १७ डिसेंबराक सोंपता. भाजपाचो इश्ट पक्ष मिझो नॅशनल फ्रंट (MNF) ईशान्ये कडल्या राज्यांत सत्तेंत आसा. तेलंगणा, राजस्थान, छत्तीसगड आनी राजस्थानाच्या विधानसभांचो कार्यकाळ फुडल्या वर्सा जानेवारींत विवीध तारखांक सोंपता.
वेंचणुकेच्यो तारखो निश्चीत करपाचो यत्न
पांच राज्यांतल्या विधानसभा वेंचणुकेचें वेळापत्रक जाहीर करचे पयलीं वेंचणूक आयोगान राजस्थान, मिझोराम, मध्य प्रदेश, तेलंगणा आनी छत्तीसगडाचे वेंचणुकेचो आढावो घेतला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
