भांगरभूंय | प्रतिनिधी
पणजी, प्रतिनिधीः पणजी जिमखाना हांगां सी बझ आयोजीत बोगो मुंबय कार्नावाल ७ आनी ८ ऑक्टोबराक जातलो. आयोजकांनी ह्यान पयलीं खुबश्यो कार्यावळी मुंबय केल्यात. अंदूं पयलेच फावट गोंयच्या लोकां खातीर ही रंगरंगयाळी कार्यावळ जाता. दोन दीस पणजी जिमखान्यांत चलपी कार्नावालांत खुबश्यो मनरिजवणेच्यो कार्यावळी जातल्यो.
विवीध स्टॅालांनी घरांत उपेगी पडपी वस्तू आनी खावपाचे जिन्नस विक्रे खातीर आसतले. मुंबय तशेंच गोंयचींय स्टॉलां पळोवपाक मेळटलीं. ह्या वेळार परंपरीक नाचाच्यो कार्यावळी जातल्यो. जायत्या सर्तींचें आयोजनूय करतले. कपकेक, चित्रकला, स्टॅण्डअप कॉमेडी, नाच सर्त ह्यो शेनवारा सकाळीं आसतल्यो. आयतारा ८ ऑक्टोबराक योग, सुण्यांचो फॅशन शो, वैजकी टॅाक शो, काराओके, मिस्टर ऍण्ड मिसेस गोवा अश्यो कार्यावळी दवरल्यात. मुंबय कार्नावाल सकाळीं १० ते रातचीं १० मेरेन लोकां खातीर उक्तो आसतलो. प्रवेश मुफत आसतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
