दिवचल मार्केटांत उजो, स दुकानां लासलीं, १ कोटी रुपयाचें लुकसाण
भांगरभूंय | प्रतिनिधी
दिवचल, प्रतिनिधी : हांगाच्या मार्केटांत लागीं लागीं दुकानां. बिरेस्तारा रातीं १० क सुमार विश्वास गांवस हांच्या ल्हान दुकानांत शाॅर्टसर्किट जावन उजो लागला आनी फ्रीज आनी पॅनल बोर्ड लासलो. लायट गेली. मात उलो लागलो तो पालोवलो ना. तो कुशीच्या दुकानांनी पातळ्ळो आनी कांय खिणांत स दुकानां लासलीं. सादारण १ कोटी रुपयाचें लुकसाण जालां, अशें आमदार दो. चंद्रकांत शेट्ये हांणी सांगलें. आयज तांणी बाजाराक भेट दिवन पळोवणी केली.
उजो पालोवपी गाडयो पावल्यो तेन्ना दुकानां लाशिल्लीं. दळाच्या भरत गांवस, गीतेश नायक, रामचंद्र एकावडे, सागर कुंकळकार, रुपेश पळ आनी थळावे लोक, दुकानदारांनी मदत कार्य करून पन्नास हजारांची मालमत्ता वाचवली. मजगतीं, हांगाच्या भोवतेक दुकानांनी पावसाक लागून प्लास्टिकाच्यो कापोती, ताडपत्र्यो लायल्यात, ताका लागून उजो बेगीन फाफसलो. तेन्ना दुकानदारांनी ते बाबतींत जतनाय घेवची, अशें आवाहन दळान केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
