भांगरभूंय | प्रतिनिधी
पेडणें, प्रतिनिधी: धारगळे, पेडणेंच्या आयुष ह़ॉस्पिटलांत ३८४ नोकरेंच्यो संदी आयल्यात. ब्राॅडकास्ट इंजिनियरींग कन्सलटंट इंडिया लिमिटेड हांणी ही जायरात काडल्या. हे जायराती प्रमाण सगले पोस्ट कंत्राटाचेर घेतले, अशें स्पश्ट सांगलां. पेडण्या आयुष हॉस्पिटल आयल्या उपरांत नोकरेची संद मेळ्टली म्हणून राविल्ल्या बेकार तरणाट्यां खातीर ही भांगराची संद.
ह्या नोकर्यां खातीर अर्ज करपाची १९ ऑक्टोबर ही निमाणी तारीख जावन आसा. जे कोण फॉर्म भरतले तांचे कडल्यान फी घेतली. मेडिकल ऑफिसर १२, स्टाफ नर्स २०, लॅब टेकनीशीयन १, वॉर्ड एटेन्डंट १६, रेडियोलोजी टेकनीशीयन १, फार्मासिस्ट १, ड्रेसर १, पंचकर्मा टेकनिशीयन १०, ओटी एसिस्टंट १, गार्डनर २, एमटीएस २०, ड्रायव्हर १, योग थेरपिस्ट १, फिजीयो थेरपीस्ट १, डाटा एन्ट्री ऑपरेटर १०, आयटी एसिस्टट २, पंचकर्म एटेन्डट १०, लॅब एटेन्डट १०, बायो मॅडिकल इजिनयर १, पीआरओ १, डिनाक पर्सनल सेक्रेटरी १, लायब्ररी ऑफिसर २, मुझियम किपर २, ओप्टोमेट्रीस २ अशें रजिस्ट्रेशन करून अर्ज करपाक जनरलाक ८८५ रूपया भरचे पडटले. जाल्यार हेर पोस्टा खातीर अपलाय करता जाल्यार ५९० रूपया प्रत्येकी आनीक फारीक करचे पडटले. ओबीसाकूय तीच फि स्केल लायल्या. एसी एसटीक ५३१, दुसर्या पॉस्टाक अपलाय करता जाल्यार प्रतेकी ३५४ दिवचे पडटले.
एक्स सर्वीस मेनाच्या भुरग्याक ८८५, हेर पोस्टाक अपलाय करता जाल्यार ५९०. बायलाक ८८५, हेर पोस्टाक अपलाय करता जाल्यार प्रतेकी ५९० दिवचे पडटले. तशेंच अर्थीक नदरेन दुबळे आसल्यार ३५४, हेर पोस्टाक अपलाय करता जाल्यार ३५४ प्रतेकी पोस्टाक आनीक फी दिवची पडटली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
