भांगरभूंय | प्रतिनिधी
पणजी, प्रतिनिधी : गोंय राज्य महिला आयोगाच्या अध्यक्षपदार रंजिता पै हांची नेमणूक जावन स म्हयने पुराय जावन लेगीत आयोगाचेर हेर वांगड्यांची नेमणूक जावंक नाशिल्ली. ताका लागून २०२० पसून आडखळून उरिल्ल्या ३२२ प्रकरणांची सुनावणी तशीच पडून आसा. आयज आयोगाचेर सात वांगड्यांची नेमणूक जाल्या. निदान आतां तरी सुनावणेक वेग येतलो अशी आशा गोंयकारांनी उक्तायल्या.
बायलां आनी बाल कल्याण संचालक संगीता परब हांणी नेमणुके विशीं अधिसुचवणी जारी केल्या. आयोगाचेर आमदार डिलायला लोबो हांचे सयत मडगांवच्या दामोदर कॉलेजीची डॉ. प्रीता मल्ल्या, पणजे धेंपे कॉलेजाची प्रा. डॉ. वृंदा बोरकार, केपेंच्या जनजागृती स्वयंसेवी संस्थेची अरुणा धुरी, डॉ. ज्योती सावंत, केतकी परब गडेकार आनी अॅड. सिद्धी पारोडकार हांची नेमणूक केल्या.
फुडल्या तीन वर्सां खातीर ही नेमणूक जाल्या, अशें संगीता परब हांणी अधिसुचवणेंत म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
