भांगरभूंय | प्रतिनिधी
राज्यांत जातलीं दोन जिल्हो आयुश हॉस्पिटलां
पणजी, प्रतिनिधी : राज्यांत संवसारिक पांवड्या वेलें आयुष संशोधन केंद्र आनी हॉस्पिटल श्रीपादभाऊंक लागून जालें. ताचे खातीर वॉटर स्पोर्टस् इन्स्टिट्युट गोंयांक मेळ्ळें. राज्या खातीर श्रीपादभाऊंचे व्हड योगदान आसा, अशे मुख्यमंत्री डॉ. प्रमोद सावंत हांणी सांगलें.
केंद्रीय पर्यटन राज्यमंत्री श्रीपाद नायक हांच्य जल्मदिसाची कार्यावळ सापेंद्र हांगां तांच्या घरा जाली. मुख्यमंत्री सावंत हांचे हस्तुकी श्रीपादभाऊंचो भोवमान जालो. ह्या वेळार मुफत भलायकी तपासणी शिबिराचें उक्तावण मुख्यमंत्र्यांनी केलें.
फाटलीं 24 वर्सा श्रीपादभाऊ खासदार आसात. बरींच वर्सा मंत्री म्हूण तांणी काम केलां. तांचे दिल्लींतलें घर हें दिल्ली वचपी बऱ्याच गोंयकारांचे आश्रयस्थान आसा. भाऊन गोंयां खातीर दिल्लीत वचून बरोच वावर केला, अशे मुख्यमंत्री सावंत हांणी सांगलें.
उत्तर गोंयांत वेळग्यां जाल्यार दक्षीण गोयांत मोतीदोंगर – मडगाव हांगां आयुष जिल्हो हॉस्पिटलां जातलीं. हाचें काम सुरू जालां. तशेंच भलायकी केंद्रांनी आयुष ओपीडी सुरू करपाक केंद्रीय मंत्री ह्या नात्यान श्रीपादभाऊंचें योगदान आसा, अशें मुख्यमंत्र्यांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
