भांगरभूंय | प्रतिनिधी
हरमल, बातमीदार : हरमल दर्यादेग वाठारांत आनी लोक वसणुकेंत रस्ताद सुणे बरेच वाडल्या. ताका लागून भुरग्यां मुखार व्हड संकट निर्माण जालां. तांचेर हल्लो जावपाची शक्यताय वाडिल्ल्या हांगा भंयाचें वातावरण निर्माण जालां. हे खातर नागरिकांनी तिडक उक्तायल्या.
फाटल्या कितल्याशाच दिसां सावन हांगच्या लोकां मुखार ही व्हड समस्या जावन आसा. १०-१५ रस्ताद सुण्यांचे पंगड लोक वसणुकांनी जेवण सोदपा खातीर भोंवतात. तांकां भूक लागिल्ल्यान ते केन्नाय हल्लो करपाचो भंय आसता. कोणूय अनवळखी वा विदेशी पर्यटकांक पळयल्यार हे रस्ताद सुणे नेटान भोंकपाक लागतात.
रॅबीज लसीकरणाची मागणी
दर्यादेग वाठारांत विदेशी पर्यटकांनी पाळिल्ली खुबशीं सुणीं रस्ताद भोंवतना दिसतात. पावसांत त्या सुण्यांचेर उपास करपाची पाळी येता. तीं सुणीं उपाशी पडटात. पोटाचे भुकेक लागून तीं कोणायकूय चाबपाची शक्यताय आसता. ताका लागून तांकां रॅबीज लसीकरण करपाची मागणी जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
