भांगरभूंय | प्रतिनिधी
आपलें जाण्टेंपण सुशेगाद वचचें अशी दरेकाची इत्सा आसता. जाण्टेपणार कसलेच तरेची आडखळ येवची न्हय म्हणून आमी ल्हानपणा सावनूच गुंतवणूक करपाक लागतात. पूण खुबशे लोक सरकारी वा खाजगी नोकरी करतात. अशा परिस्थितींत हे लोक ६० पिरायेचेर सेवा निवृत्त जातात. निवृत्ती उपरांत तांकां व्हड रक्कम मेळटा. निवृत्ती उपरांत बरो व्याजदर मेळचो म्हणून इतली व्हड रक्कम खंय गुंतोवची, असो प्रस्न खुबश्या जाणांक पडटा. पूण आतां कसलोच हुस्को करपाची गरज ना. आयज आमी तुमकां अशे येवजणे विशीं सांगतले, जातूंत ज्येश्ठ नागरिकांक गुंतवणूक केल्यार बंपर रिटर्न मेळटले.
बँको आनी सरकारूय ज्येश्ठ नागरिकां खातीर जायत्यो येवजण्यो चालीक लायतात. पूण ज्येश्ठ नागरीक बचत येवजण वेगळी. ती खूब अद्भुत आसा. हातूंत गुंतवणूक केल्यार कांय काळा उपरांत जाण्ट्यांक बरो परतावो मेळटलो. कारण त्या खाला बरें व्याजदर मेळटा. सध्या तुमी हे येवजणेंत गुंतवणूक केल्यार तुमकां ८.२% दरान व्याज मेळटलें.
खासा करून ६० वा ताचे परस चड पिरायेचे ज्येश्ठ नागरीक ज्येश्ठ नागरीक बचत येवजणेंत गुंतवणूक करूंक शकतात. हाचे भायर ५५-६० पिरायेच्या गटांतल्या व्हीआरएस घेतिल्ल्यांकूय तातूंत गुंतवणूक करपाक मेळटा. व्हड गजाल म्हळ्यार ज्येश्ठ नागरीक बचत येवजणेंत व्हड प्रमाणांत गुंतवणूक करपाची गरज ना. तुमकां जाय जाल्यार १००० रुपया सावनूय गुंतवणूक करपाक सुरवात करूं येता.
चड म्हायती प्रमाण, ज्येश्ठ नागरीक बचत येवजणेंत चडांत चड ३०,००,००० रुपया गुंतवणूक करूं येता. पूण पयलीं चडांत चड गुंतवणूक मर्यादा १५ लाख रुपया आसताली. आतां तातूंत गुंतवणूक केल्यार खातें उगडपाच्या तारखे सावन ५ वर्सां उपरांत जमा केल्ली रक्कम परिपक्व जाता. हाचो अर्थ पांच वर्सां उपरांत तुमच्या खात्यांतल्यान व्हड प्रमाणांत रक्कम काडूं येता. खाशेली गजाल म्हळ्यार हे येवजणेंत जमा केल्ले रकमेचेर त्रैमासीक तत्त्वाचेर व्याज दितात. हाचे भायर ज्येश्ठ नागरीक बचत येवजणेंतय जायते तरेचे कर फायदे मेळटात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
