भांगरभूंय | प्रतिनिधी
ऑगस्ट मेरेन ग्रंथालय धोरणाची जातली कार्यवाही
पणजी : काम पुराय करून भौशीक बांदकाम खात्यान कला अकादमी कला, संस्कृती खात्याच्या ताब्यांत दिले उपरांत ती कार्यावळी खातीर उक्ती जातली. पूण कला अकादमी केन्ना उक्ती जातली ताची तारीख अजून निश्चीत सांगपाक जावची ना, अशें कला आनी संस्कृती खात्याचे मंत्री गोविंद गावडे हांणी सांगलें. ऑगस्टान कला अकादमीची पळोवणी जातली, अशें तांणी सांगलें.
कला आनी संस्कृती, खेळां तशेंच आरडीए खात्याच्यो मागण्यो चर्चे उपरांत सभाघरांत संमत जाल्यो.
चर्चेक जाप दितना कला आनी संस्कृती खात्याचे मंत्री गोविंद गावडे हांणी ही म्हायती दिली.
राज्याचें ग्रंथालय धोरण तयार करपाचो वावर सुरू आसा. हाचे खातीर डॉ. नंदकुमार कामत हांचे फुडारपणा खाला समिती स्थापन जाल्या. ऑगस्ट सोंपपाक ग्रंथालय धोरणाची कार्यवाही सुरू
जातली. फोंडें तशेंच वास्को ग्रंथालयां खातीर नवी वास्तू तयार जातली. पंचायत ग्रंथालयांचो दर्जो
वाडोवपाचो आसा.
– राष्ट्रीय खेळां सर्तीचे 25 ऑक्टोबराक प्रधानमंत्री नरेंद्र मोदी हांचें हस्तुकीं उक्तावण जातले. 25 ऑक्टोबर ते 9 नोव्हेंबर ह्या काळांत सर्त जातली.
– खेळां सर्तीतलीं पदकां आनी इनामांचे चवथी पयलीं वांटप जातले. क्लब तशेंच संघटणांच्या अनुदाना खातीर 2 कोटी 54 लाखांची रक्कम तयार आसा. कांय संघटणां विनियोग प्रमाणपत्रां सादर करिनात.
– तरणाट्यां खातीर आयोग स्थापन करपाचो प्रस्ताव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
