भांगरभूंय | प्रतिनिधी
पणजीः गोंय शेतकी म्हाविद्यालयांत सहाय्यक प्राध्यापकांचीं १५ पदां जाहीर केल्यांत. हीं सगलीं पदां कंत्राटी आनी व्याख्यातो तत्वाचेर भरतले. हातूंतलीं ८ पदां कंत्राटी जाल्यार ७ पदां वाख्यातो तत्वाचेर जाहीर केल्यांत.
म्हाविद्यालयान एक जायरात उजवाडाक हाडून शिक्षणीक वर्स २०२६-२७ वर्सा खातीर आयसीएआर मान्यताप्राप्त बी. एस्सी. (ऑनर्स) शेतकी ही वेवसायीक पदवी अभ्यासक्रमा खातीर पात्र उमेदवारां कडल्यान कंत्राटी वा व्याख्यातो तत्वाचेर सहाय्यक प्राध्यापक, सहाय्यक प्राध्यापक (फार्म वेवस्थापक) आनी म्हाविद्यालय समुपर बँक ह्या पदां खातीर विहीत नमुन्यांतले अर्ज मागयल्यात.
अर्जा वांगडा एस. एस. सी. सावन फुडल्यो सगल्यो पास जाल्ल्यो गुणपत्रिकांच्यो स्वता प्रमाणीत केल्ल्यो सत्य प्रती जोडच्यो. अर्ज ही जायरात उजवाडाक आयिल्ले सावन १५ दिसां भितर शेतकी म्हाविद्यालयाचे डिन कार्यालयांत सादर करपाचें आवाहन केलां.
वट्ट १५ पदली ऍग्रोनॉमी विशयांत २ कंत्राटी आनी एक व्याख्यातो तत्वाचेर, शेतकी अर्थशास्त्र विशयात एक वाख्यातो तत्वाचेर, मृदा विज्ञान आनी शेतकी रसायनशास्त्र आनी वनस्पती पॅथोलॉजी विशयांत देरेकी एक पदां कंत्राटी पध्दतीचेर, शेतकी वनस्पतीशास्त्र, जेनेटिक्स आनी प्लांट ब्रिडींग, पशूविज्ञान आनी दूद वेवसाय विज्ञान विशयांत दरेकी एक पद व्याख्यातो तत्वाचेर, शेतकी विस्तार शिक्षण एक पद व्याख्यातो तत्वाचेर, शेतकी अभियांत्रिकी, गणीत, सांख्यिकी (शेतकी म्हायती तंत्रज्ञान आनी आर्टिफिशल इंन्टेलिजन्स) विशयात दरेकी एक पदा व्याख्यातो तत्वाचेर, फार्म वेवस्थापक, शेतकी किटकशास्त्र आनी म्हाविद्यालय समुपदेशक ही दरेकी एक पदा कंत्राटी पध्दतीचेर भरतले.
ह्या पदांच्या आरक्षणा बाबतींत गोंय सरकारान थारावन दिल्ल्या नेमांचें पालन करतले.
हीं पदां कामाचे उपलब्धताये प्रमाण आनी गोंय विद्यापीठ, उच्च शिक्षण संचालनालय, गोंय सरकार हांचे मंजुरीच्या अधीन रावन भरतले. अर्जाचो नमुनो, गरजेची पात्रताय, सेवेच्यो शर्ती, गरजेची आवश्यकता आनी हेर तपशिला खातीर म्हाविद्यालयाचे अधिकृत वॅबसायटीक भेट दिवची. मुलाखती खातीर कॉल लेटरां फकत ईमेल वरर्वीच धाडटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
