भांगरभूंय | प्रतिनिधी
फोंडें: सांकोड्डें पंचायतीच्या प्रभाग 7 मदले पोटवेंचणुकेंत तुळशीदास सावळो गांवकार 118 मतांची आघाडी घेवन जैतिवंत जाले. आयतारा जाल्ले पोटवेंचणुकेंत वट्ट 84 टक्के मतदान जाल्लें. पोटवेंचणुकेंत वट्ट 4 उमेदवार रिंगणांत देंविल्ले.
सोमारा सकाळीं मामलेदार कचेरेंत मतमेजणे वेळार तुळशीदास गांवकार हांकां 190 मतां, दिनानाथ गांवकार हांकां 72 मतां, मुकेश गांवकार हांकां 60 मतां आनी मोर्तू गांवकार हांकां 51 मतां पडलीं. वट्ट 5 मतां बाद थारायलीं. 450 मतदारां पैकीं 378 जाणांनी आयतारा मतदान केल्लें. पंच सोनू गांवकार हांकां मरण आयिल्ल्यान पोटवेंचणूक घेतली. पोटवेंचणुकेंत जैतिवंत जाल्ल्या तुळशीदास गांवकार हांकां वेंचणूक अधिकारी तशेंच मामलेदार मनोज कोरगांवकार हांचे हस्तुकीं प्रमाणपत्र दिलें. तालुक्याचे उपजिल्होधिकारी अमितेश शिरवयकार हाजीर आशिल्ले.
जैतिवंत जाल्ल्या तुळशीदास गांवकार हांणी म्हणलें, प्रभागांत खूबशीं विकासकामां जावपाचीं आसात. तीं पुराय करपाक हांव प्राधान्य दितलों. तेच बराबर दोंगरवाडो गांवांत उदकाची समस्या सोडोवपा खातीर गरजेचे उपाय करतले अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
