भांगरभूंय | प्रतिनिधी
म्हापशें: गिरी हांगासरले बेपत्ता जाल्ले नारायण मोपकार (70) ह्या ज्येश्ठ नागरिकाची कूड मोंतेगिरी कुशीचे तळयेंत हुफेतना बिरेस्तारा दनपारां सांपडली. मंगळार 27 रातीं सावन ते बेपत्ता आशिल्ले.
मयत नारायण मोपकार हे 27 वेर घरांतल्यान भायर सरिल्ले. पूण ते घरा परतलेच नात. ताका लागून तांच्या घरच्यांनी म्हापशें पुलिशेंत कागाळ दाखल केली. पुलिसांनी तांचो सोद सुरू केलो. बिरेस्तारा दनपारां तांची कूड मोंतगिरी हांगा एका तळयेच्या उदकांत सांपडली.
म्हापशें उजो पालोवपी दळाच्या आदारान पुलिसांनी कूड तळयेंतल्यान भायर काडली. पुलिसांनी पंचनामो करून मरणा उपरांतचे तपासणे खातीर गोमॅकाँत धाडून दिल्या. फुडलो तपास पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
