भांगरभूंय | प्रतिनिधी
पणजीः कोंकणी सेवक आनी विद्वान, डॉ. जयवंतराव भालचंद्र सरदेसाय हांकां बुधवारा मरण आयलें. कोंकणी भाशा मंडळान तांकां आर्गां ओंपल्या.
डॉ. जयवंतराव भालचंद्र सरदेसाय हे आकू ह्या नांवान सगल्यांक वळखीचे आशिल्ले. नामनेच्या केलिफोर्निया विद्यापिठांतल्यान तांणी पी. एच. डी केली. शेतकी प्राणिशास्त्राचे आनी क्रिडानियंत्रण शास्त्राचे तज्ञ म्हूण तांची संवसारभर नामना आसा. ब्रिटन, स्कोटलँड, पुर्तुगाल, अर्जेंटिना, मोझांबीक, आफ्रिका, अमेरिका आनी भारतांत तांणी वावर केला. आर्जेंटिना देशाच्या क्रिकेट संघात तांची खेळपाक निवड जाल्ली. ‘युनेस्को’ संघाचो तज्ञ म्हूण तांणी आर्जेंटिना देशांत वावर केला.
कोंकणी भाशा मंडळाच्या विद्याभुवन कोंकणी शाळेक तांचें मोलाचें योगदान लाबलां. तांच्या कोंकणी चळवळींतल्या भोव मोलादीक योगदाना खातीर कोंकणी भाशा मंडळाचो सेवा पुरस्कार तांकां फावो जाला.
डॉ. सरदेसाय सारकिल्ल्यांचो कोंकणी खातीरचो बुन्यादी वावर भोव मोलादीक. ह्याच वावरांतल्यान कोंकणी शिक्षण आनी समाज बळकट जालो. तांच्या वावरांतल्यान आमकां सदांच प्रेरणा मेळटली अशें कोंकणी भाशा मंडळान उजवाडायिल्ल्या प्रसिद्धी पत्रकांत म्हणलां आनी तांकां आर्गां ओंपल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
