भांगरभूंय | प्रतिनिधी
भांगरभूंय । प्रतिनिधी
मुरगांवः मुख्यमंत्री डॉ प्रमोद सावंत सामकें बरे भशेन काम करता. ताका लागून सध्या तरी मंत्रिमंडळांत बदल करपाची ग रज ना अशें काँग्रेस पक्षांतल्या भाजपांत आयिल्लो मुरगांवचो आमदार संकल्प आमोणकारान सांगलां. मंत्रिमंडळ फेर बदलाचेच चर्चा करनास्तना राज्यांल्या उदरगतीच्या कामांचेर लक्ष दिवपाची चड गरज आसा, अशें ताणे सांगलां.
मुख्यमंत्री डॉ सावंत आनी मंत्रिमंडळांतले ताचे वांगडी सामकें बरें काम करतात. डॉ सावंत हांच्या मुक्यमंत्रीपदाच्या फाटल्या एक वर्सांत जुवारी पूल, मोप विमानतळ, आयुश्य हॉस्पिटलाचें काम पुराय जालां. गोंयांत साधन सुविधांची निर्मणी व्हडा नेटान जाता आनी ताचो लाब लोकांक मेळपाक लागला. अशा वेळार मंत्रिमंडळांत बदल करपाचो प्रश्न खरें म्हणल्यार उप्रासना. जेन्ना मंत्रिमंडळांतले सगले मंत्री बरेभशेन काम करता तेन्ना तातूंत बदल करपाची गरज आसा, अशें आपल्याक दिसना अशें आमोणकारान सांगलें,
दरेका आमदारान आपल्या मतदारसंघातल्या उदरगतीच्या कामांक प्राधन्य दिवपाक जाय. लोकसभा वेंचणुकेंत मुरगांवांतल्यान भाजप उमेदवाराक 80 टक्क्यां परस चड मतां मेळोवन दितलों असें आमोणकारान सांगलां. बायणा हांगा मुरगांव भाजप मंडळा वतीन संपर्क से समर्थन कार्यावळी खाला आयोजीत केल्ले पत्रकार परिशदेंत तो उलयतालो. ताच्या वांगडा मुरगांव भाजप मंडळ अध्यक्ष संजय सातार्डेकार, मुरगांव भाजप प्रभारी संतोष केरकार, भाजप कार्यकारिणी वांगडी प्रसाद प्रभुगांवकार, छाया होन्नावरकर आनी हेर वावुरपी आशिल्ले.
केंद्रांत नरेंद्र मोदी हांका परत सत्तेर हाडपा खातीर भाजपाच्या दरेकल्यान काम करपाक जाय अशें आमोणकारान सांगलें. भाजपाच्या केंद्र सरकारान फाटल्या 9 वर्सांत देशा वांगडा राज्यांच्या उदरगतीच्या कामांक प्राधान्य दिलां. नरेंद्र मोदी हांका परत प्ंतप्रधान करून देशाक म्हासत्ता करपाच्या कामांक दरेकल्या नागरिकान योगदान दिवपाक जाय अशें संजय सातार्डेकारान ह्या वेळार सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
