भांगरभूंय | प्रतिनिधी
उदक लेगीत जाल्लें रगत आनी रगत जाल्लें हून, भावा तुका याद आसा 18 जून?, ही कविता डॉ. मनोहरराय सरदेसाय हांची. ही कविता गवाय दिता अठरा जून ह्या दिसाची. हय, भावांनो आनी भयणांनो आयज
अठरा जून. तो दीस आसलो मंगळारचो. जेन्ना गोयांत क्रांतीची किट्ट पेटिल्ली आनी सळसळट्या रगताक नवी दिका मेळिल्ली. तोच हो दीस 18 जून.
18 जून हो दीस गोंयच्या इतिहासांत आगळे वेगळ्यास्थानाचो असो आसा.हया दीसाक क्रांती दीस म्हण मनयतात. 18 जून 1946 या दिसा डॉ. मनोहर लोहियान गोंयचे मुक्तीचो खऱ्या अर्थान बुन्यादी फातर घालो, अशें म्हणल्यार अतिताय जावची ना. पुर्तुगिजांची राजवट दिसानदिस बळीश्ट जायत आशिल्ली आनी अशा वेळार दर गोंयकार गुलामगिरीच्या साम्राज्यांत स्वतःक चेपून जीण सारतालो. दर एक गोंयकार स्वत: क चेपत आशिल्लोच, पूर्ण ताचें गोंयकारपणूय शेणत आशिल्लें.
अशा हे गुलामगिरीच्या राजवटी आड झगडूंक डॉ. राम मनोहर लोहियांनी न्हिदिल्ल्या गोंयकारांक जागे केले. दर ऐकल्यान केल्लें बलिदान आनी त्याग ह्या दीसा याद केल्लें वता. डॉ. राम मनोहर लोहिया आनी डॉ. जुलियो मिनेझीस हांणी सालाझार सरकारा आड लडपाक लोकांक प्रवृत्त केले. गोयांत क्रांति घडोवन हाडपाक या दोगांचो मोलाचो वांटो आसा. 18 जून 1946 दिसा मडगांवां सभा घेतली. लोकां मदी स्वातंत्र्याची ज्योत पेटयली. गोंयची स्वातंत्र्याची चळवळ बरीच तेंप चलली
आनी 18 जूनाच्या दिसाचो हे चळवळीक योगदान आसा.
19 डिसेंबर 1961 ह्या दिसा गोंयांक स्वातंत्र्य मेळळें. केल्ल्या वावराचें फळ मेळळें.
18 जून ह्या दिसाची याद म्हूण गोंयभर तरेतरेच्यो कार्यावळी घडोवन हाडटात. खासा कार्यावळ पणजेच्या आजाद मैदानार जाता. गोंयच्या स्वातंत्र्याच्या लढ्यांत स्वताच्या
जिवाचें बलिदान केल्ल्या हुतात्म्याचें स्मरण करूया आनी श्रद्धांजली अर्पण करुया. गोंयची ही भूंय राखुया. मेळिल्ल्या स्वातंत्र्याची व्हडवीकाय राखून एक बरो सुजाण नागरीक जावया आनी गोंयचे दायज, गोंयकारपण सांभाळूया. जय भारत, जय गोवा.
शिल्पा लाड
8411007204
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
