भांगरभूंय | प्रतिनिधी
भांगरभूंय । प्रतिनिधी
फोंडेंः फोडें पालिकेचे नगराध्यक्ष आनी उपनगराध्यक्ष पदाचे वेंचणुके खातीर भाजप समर्थक आनी रायझिग फोडें पंगडान उमेदवारी अर्ज दाखल केल्ल्यान मंगळाराक (16 मे) वेंचणुकेंतल्यान ह्या पदांचो सोक्षमोक्ष लागतोलो. भाजप समर्थक पंगडा वतीन नगराध्यक्षपदा खातीर रितेश नायक आनी उपनगराध्यक्षपदा खातीर दीपा शांताराम कोलवेकार जाल्यार रायझिंग फोंडे वतीन नगराध्यक्षपदा खातीर शिवानंत सावंत आनी उपनगराध्यक्षपदा खातीर वेदिका विवेक वळवयकारान उमेदवारी अर्ज दाखल केल्यात.
नगराध्यक्ष- उपनगराध्यक्षपदाची ही वेंचणूक रंगतदार जावपाची शक्यताय आसा. भाजपा पंगडांत सुरू आशिल्ले नाराजीचो लाब घेवपा खातीर रायझिग फोंडेंची रणनिती मंगळाराक दिसून येवपाची शक्यताय आसा. फोडें पालिका वेंचणुकेंत भाजपाचे 10, रायझिंग फोंड्याचे 4 आनी 1 अपक्ष नगरसेवक वेंचून आयला. भाजप पंगडांतले कांय नगरसेवक नगराध्यक्ष जावपाक इत्सूक आशिल्ले. मात रितेश नायकाचें नांव सगल्यांत फुडें आयिल्ल्यान ते नाराज जाल्यात. ताचो लाब घेवपा खातीर रायझिंग फोंडे हांचे यत्न चल्ल्यात.
फोडें पालिकेच्या राजकारणांत फाटल्या कांय वर्सां सावन व्यंकटेश ऊर्फ दादा नायक हे किंग मेकर थारल्यात. मंगळाराक जावपी वेंचणुकेंत लेगीत तांची भूमिका म्हत्वाची थारपाक शकता. ताका लागून नगराध्यक्षपदाची माळ कोणाच्या गळ्यांत पडटली हाचे कडेन सगल्यांची नदर आसा. सोमाराक कुर्टी पंचायतीचेर भाजपान आपलें वर्चस्व प्रस्थापीत केल्ल्यान मंगळारा फोडें पालिकेचेर आपलो बावटो लावंन फोडें मतदारसंघात डबल इंजीन सुरू करपाच्या यत्नांत भाजप आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
