भांगरभूंय | प्रतिनिधी
पेडणें: पेडणें पालिकेच्या विकासा खातीर आपलें पुराय सहकार्य आसतलें. नगराध्यक्ष सिद्धेश पेडणेंकार हांणी बरें काम करून पालिकेची नामना वाडोवची अशें आवाहन मुख्यमंत्री डॉ. प्रमोद सावंत हांणी केलें. सिद्धेश पेडणेंकार हांची नगराध्यक्षपदार निवड जाल्ले खातीर तांचें मुख्यमंत्र्यांनी अभिनंदन केलें.
पेडणें मतदारसंघाचे आमदार प्रवीण आर्लेंकार हांचे सयत सिद्धेश पेडणेंकार हांणी मुख्यमंत्र्याच्या घरा डॉ. प्रमोद सावंत हांची भेट घेतली. ह्या वेळार डॉ. सावंत हांणी पेडणेंकार हांकां फुलांतुरो भेटोवन अभिनंदन केलें आनी फुडले वाटचाली खातीर शुभेत्सा दिल्यो.
डॉ. प्रमोद सावंत हांणी मुखार म्हणलें, पेडणेंचे आमदार प्रवीण आर्लेंकार हांकां बराबर घेवन पेडणें पालिकाचो विकास करचो. आपलें पालिके खातीर सदांच सहकार्य आसतलें अशें आस्वासन मुख्यमंत्री डॉ. प्रमोद सावंत हांणी सिद्धेश पेडणेंकार हांकां दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
