भांगरभूंय | प्रतिनिधी
फोंडें: कुर्टी-खांडेपार पंचायतीचे सरपंच नावेद तहसीलदार हांचे आड दाखल जाल्लो अविस्वास थाराव 6 आड 5 मतांनी संमत जालो. ताका लागून रोखडेंच फोंडें पालिके सयत कुर्टी पंचायतीचेर भाजपाचें वर्चस्व दिसून येतलें.
कुर्टी – खांडेपार पंचायत मंडळांत वेंचणुके उपरांत पयलेच फावटी सरपंचांचेर अविस्वास थाराव दाखल जाल्लो. उपसरपंच विल्मा परेरा, पंच वांगडी संजना नायक, साजिदा मुल्ला, हरेश नायक, मनीष नायक आनी अभिजीत गावडे हांणी अविस्वास थारावाचेर सयो केल्ल्यो.
अविस्वास थाराव दाखल जाले उपरांत सरपंच नावेद तहसीलदार हांणी दिल्लो राजिनामो स्विकारिल्लो. पूण सोमारा सरपंच नावेद तहसीलदार हांचे आड 6 जाणांनी अविस्वास थाराव संमत केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
