भांगरभूंय | प्रतिनिधी
म्हापशें: नगरपालिका इमारतीच्या शेजरा उबारतल्या पालिका प्रशासकी इमारत प्रकल्पाचें बांदकाम कांय तंत्रीक अडचणींक लागून रखडलां. हाका लागून हो प्रकल्प पुराय जावपाची दिल्ली तारीख चुकपाची शक्यताय आसा.
ह्या प्रशासकी इमारत प्रकल्पाची बुन्याद फाटल्या डिसेंबर 2021 वर्सा घाल्ली. 2.97 कोटी रुपया खर्च करून हो प्रकल्प उबारतात. सद्याची इमारत उणी पडटा. पालिका मंडळाच्यो बसकाय आडखळ आशिल्ल्या सभाघरांत घेवची पडटा. हाका लागून पालिके खातीर हो प्रकल्प म्हत्वाचो आसा.
ह्या प्रशासकी इमारतीच्या पयल्या माळ्यार दुकानां आनी कचेर्यो आसतल्यो त्यो महसूल दिवपा खातीर भाड्यान दितले. दुसर्या माळ्यार सभाघर आसतलें. हाचो वापर पालिका मंडळाची बसका घेवपा खातीर करतले.
हे विशीं उलयतना उपनगराध्यक्ष विराज फडकेन म्हणलें, प्रशासकी इमारतीच्या बांदकाम कंत्राटदारा कडेन फाटपुरवण करतात. प्रशासकी इमारतीच्या तळ माळ्याच्या स्लॅबांत तांत्रीक समस्या आशिल्ली. ती आतां पयस केल्या आनी फुडल्या सप्तका सावन प्रकल्पाचें बांदकाम परतून सुरू जातलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
