भांगरभूंय | प्रतिनिधी
म्हापशें: उत्तर गोंयांतल्या पुलिसांनी सद्या भाडेकारांची पडटाळणी मोहीम सुरू केल्या. ते प्रमाण म्हापशें पुलिसांनी वेर्ला, काणका आनी पर्रा वाठारांतल्या 30 परस चड गोंया भायल्यांक ताब्यांत घेवन तांकां सीआरपीसी कायद्या खाला अटक केल्या.
शुक्रारा सकाळीं पुलीस निरिक्षक परेश नायक हांच्या मार्गदर्शना खाला उपनिरिक्षक सुनील पाटील आनी पुलिसांनी वयल्या वाठारांत मोहीम राबयली. ह्या वेळार 30 परस चड लोकां कडेन कसलोच दस्तावेज वा पुलीस कार्ड नाशिल्लें.
ह्या सगल्यांक पुलिसांनी ताब्यांत घेवन आनी सीआरपीसी कायद्या खाला अटकेची कारवाय केली आनी उपजिल्होधिकाऱ्या मुखार हजर करून तांची सुटका केली. अटक केल्ल्यां मदीं चडशे कर्नाटक, बिहार, उत्तर प्रदेश ह्या वाठारांतल्या कामगार वर्गाचो आस्पाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
