भांगरभूंय | प्रतिनिधी
मशीन हाडलें तरी अजुनूय कांय फोंडकुलां पुरयिल्लीं नात
पणजी: पणजी शारांत पावसाक लागून परतून रस्त्यार फोंडकुलां पडल्यांत. फाटल्या सप्तका सावन परतून पावस पडत आशिल्ल्यान पणजेंतल्या रस्त्यांचेर फोंडकुलांनी उदक सांचला. फोंडकुलां पुरोवपाचें मशीन हाडिल्लें आसलें तरी खूबशीं फोंडकुलां तशींच आसात. पणजी शारांत खूबशा सुवातींनी हीं फोंडकुलां आशिल्ल्यान ह्या फोंडकुलांनी उदक सांचत आसता.
भौशीक बांदकाम मंत्री निलेश काब्राल हांणी फोंडकुलां पुरोवपाचें मशीन हाडिल्लें. पूण सगलीं फोंडकुलां पुरयिल्लीं नात. पावसाक लागून परतून फोंडकुलां पडत आसात. पावस सुरू जातकूच पणजेंतल्या खूबशा रस्त्या वयलो डांबर पावसान व्हांवून गेल्लो. मुखेल रस्तो तशेंच हेर रस्त्यार फोंडकुलां पडिल्लीं. हे विशीं लोकांनी आवाज काडले उपरांत कांय सुवातींनी भौशीक बांदकाम खात्यान परतून हॉटमिक्स केल्लें. तशेंच पडिल्लीं फोंडकुलां पुरोवपा खातीर खासा मशिनूय हाडलें.
पूण आतां परतून पावसाक लागून रस्त्यार फोंडकुलां पडल्यांत. कांय सुवातींनी रस्त्या वयल्या फोंडकुलांनी उदक सांचलां. फोंडकुलां पुरोवपाचें मशीन हाडलें तरी अजून फोंडकुलां पुरोवपाचीं तशींच आसात.
पणजी स्मार्ट सिटींत निवड जाल्या, पूण पणजेंतल्या रस्त्या वयल्या फोंडकुलांचीं आनी कोयराची समस्या अजून सुटिल्ली ना. दरेक फावटी पावसाच्या दिसांनी पणजेंत रस्त्यार फोंडकुलां पडत आसतात. पावसाच्या दिसांनी पणजी शारांत खूबशा सुवातींनी रस्त्यार उदक सांचत आसता. अजून लेगीत ही समस्या सुटिल्ली ना. पणजी म्हापालिके वतीन गटारांची नितळसाण करतात. जाल्यार पावसांत उदक सांचता. आतां परतून पावसान नेट धरिल्ल्यान खूबशा सुवातींनी उदक सांचत आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
