भांगरभूंय | प्रतिनिधी
काँग्रेसी वांगडा युती शक्य
खबरां संस्था
तिरुवनंतपुरम : तामिळनाडूंत एक व्हड बदल जावपाची शक्यताय आसा. दोन वर्सां आदीं स्थापन जाल्लो विजय हांचो पक्ष रातीं उसरां पयल्या नंबराचेर आशिल्लो. ह्या पक्षान 30 सुवातो जिखिल्ल्यो आनी 77 सुवातांचेर आघाडी घेतिल्ली.
मजगतीं, तामिळनाडूचे सद्याचे मुख्यमंत्री एम. के. स्टॅलीन कोलाथूर मतदारसंघांतल्यान वेंचणूक हारल्यात. टीव्हीकेचे बी. एस. बाबू हांणी 8 हजारां परस अदीक मतांनी तांचेर जैत जोडलें. बाबू आदीं डीएमकेंत आशिल्ले आनी फेब्रुवारी 2026 त ते विजय हांच्या पक्षांत वांटेकार जाले.
मजगतीं, सरकार स्थापन करचे खातीर टीव्हीकेक 118 सुवातांचेर भोवमत मेळोवचें पडटलें. अभिनेतो विजय हांचे बापूय चंद्रशेखर हांणी म्हणलां, विजय काँग्रेसी वांगडा युती करपाक शकता.
जनादेश मान्य : स्टॅलीन
निकाल लागले उपरांत तामिळनाडूचे मुख्यमंत्री एम. के. स्टॅलीन हांणी x चेर बरयलां, आमी जनतेचो निर्णय स्विकारतां आनी जैतिवंतांक परबीं दितां. फाटल्या पांच वर्सांत आमी खूबशे प्रकल्प सुरू केल्यात आनी जनतेक सुशासन दिलां. आमी तामिळनाडूक दरेका मळाचेर फुडें व्हेलां. वेंचणुकेंत आमी आमचे कामगिरीच्या आदाराचेर मतां मागलीं. आमच्यो कल्याणकारी येवजण्यो चालू दिवपाक आमकां तेंको दिवपाचो आमी जनतेक उलो मारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
