भांगरभूंय | प्रतिनिधी
फोंडें: ढवळे सोमारा सकाळीं 11 वरांचेर बायपास रस्त्याचे कुशीक पार्क करून दवरिल्ल्या जीए 05 टी 6888 क्रमांकाच्या ट्रकाच्या कॅबिनाक उजो लागलो. म्हायती मेळ्ळे उपरांत उजो पालोवपी दळाच्या कर्मचाऱ्यांनी घडणूक थळार धांव घेवन उजो पालयलो. उज्यांत ट्रकाचें कॅबीन लासून गोबर जालें.
मेळिल्ले म्हायती प्रमाण काल (सोमारा) सकाळीं 11 वरांच्या सुमाराक ट्रकाचो धनी अजीत हळदणकार हांणी रस्त्याचे कुशीक ट्रक पार्क करून दवरिल्लो. दनपारां 3.15 वरांच्या सुमाराक पार्क करून दवरिल्ल्या ट्रकाच्या कॅबिनाक उजो लागलो.
ही खबर मेळटकूच फोंडें उजो पालोवपी दळाचे अधिकारी सुशील मोरजकार हांणी हेर कर्मचाऱ्यां सयत घडणूक थळार धांव घेवन उजो पालयलो. उज्यांत कॅबीन पुरायपणान लासून गेल्ल्यान ट्रकाचो धनी अजीत हळदणकाराक हजारांनी रुपयांचें लुकसाण जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
