भांगरभूंय | प्रतिनिधी
पणजीः जेमिनी ऑयलीन नवी मोहीम ‘आज क्या बनाना चाहती हो’ सुरू केल्या. हे मोहिमे वरवीं बायलांक तांच्यो आवडी आनी म्हत्वकांक्षां खातीर वेळ काडपाक मेळचो हे खातीर उर्बा दितले, अशें उजवाडायिल्ल्या पत्रकांत म्हणलां.
गिरायकां विशीं आशिल्ली बांदिलकी आनीक घट करपाचो उद्देश हे मोहिमे फाटल्यान आसा. तशेंच नवें पॅकेजिंग आनी ब्रँड लोगोंतल्यान 40 वर्सांचें दायज मनयतले. बायलांक सक्षम करपाची गरजेचेर भर दितना जेमिनी ऑयलीन गिरायकां कडल्यान मेळिल्ले म्हायतीचेर आदारीत नवी जायरात हालींच उजवाडयल्या. जेमिनीचे गिरायक फाटल्या कांय वर्सांत सकारात्मक पद्दतीन बदल्ल्यात ही जाणीव हे जायरातीचे संकल्पनेच्या मुळाक आसा. आपल्या कुटुंबा खातीर गरम, भलायकेक फायद्याचें आनी पोशक आहार रांदचे खातीर वेळ दिवपी परंपरीक जेमिनी गिरायक बायल आतां प्रगतशील बायल जाल्या, जी कुटुंबाच्या भलायकेक आनी हिताक प्राधान्य दिता. ते भायर आपलीं सपनां पुराय करपाचो हावेस बाळगिता. बायलांक तांच्यो म्हत्वकांक्षा पुराय करपा खातीर वेळ आनी तेंको आसचो, ह्या मुद्द्यांचेर भर दिवपाचो उद्देश हे जायरातींत आसा, अशें पत्रकांत म्हणलां.
अंदूं जेमिनी बँडाक 40 वर्सां पुराय जातात. ही नवी जायरात सादर करतना ब्रँडान आमची दिसपट्टी तेलां, टेस्ट ऑयल आनी स्मार्ट हेल्थ (वेलनेस ऑयल) अशा सगळ्या लोकप्रिय पॅकेज डिझायन आनी लोगोंत बदल केला. बऱ्या जेवणाच्या आदारान कुटुंबाचे भलायकीची जतनाय घेवप आनी स्वताचे छंद तशेंच आवडी सांबाळपा खातीर वेळ दिवप हातूंतलो समतोल नव्या डिझायनांत दिसता, अशें पत्रकांत म्हणलां.
गिरायकांचो विस्वास सार्थ थारायतलेः पटनाईक
जेमिनी हो आमचो मुखेल ब्रँड. गिरायकां वांगडा नेमान जोडिल्ले रावपाचे आमचे यत्न जेमिनीचे जायरातींत खरेपणी उक्तो जाता. गिरायकांचो आमचेर आशिल्ल्या खर विस्वासाक पात्र थारपाचो यत्न आमी हे फुडेंय करतले आनी फुडले पिळगे खातीर लेगीत तांकां बरो पर्याय दितले, अशें भारतांतल्या कारगील ऑयल्स बिझनेसाचे वेवस्थापकीय संचालक पियुष पटनाईक हांणी हे नवे जायराती विशीं उलयतना सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
