भांगरभूंय | प्रतिनिधी
म्हाका लागून तुमकां बायलांक नटून- थटून हिरोईनी भशेन लग्नाक वचूंक मेळटा. म्हाका लागून तुमकां थंड उदक, आयस्क्रीम खावंक मेळटा आनी थंडी- खोंकली लेगीत जायना. म्हाका लागून तुमकां बायलांक नटून- थटून हिरोईनी भशेन लग्नाक वचूंक मेळटा. म्हाका लागून तुमकां थंड उदक, आयस्क्रीम खावंक मेळटा आनी थंडी- खोंकली लेगीत जायना.
हांव गरमी!
हय, सारकें आयकलें तुमी. तुमचें कडेन हांव गरमी उलयतां. तुमकां कितें दिसता तें म्हाका आयकूंक येना. वतात थंय तुमी म्हाका बडबडटात. म्हणटात कशी, “कितें गो बाये ही गरमी, घाम येता!” भुरगीं म्हणटात आयस्क्रीम खावया, तर घरांतलीं म्हणटात, “गरमेन रांदचेकुडींत काम करूंक नजं.”
पूण तुमकां खबर आसा, हांव तुमकां कितली गरजेची तें? म्हाका लागून तुमचीं घरां भायलीं सगलीं कामां जातात. जशें की घर शिंवपाचें, घर रंगोवपाचें, तुमचीं लग्नां-कार्यां, पार्ट्यो, पिकनीक, दर्यादेगेर बसप वा खेळप. अशा जायत्या गजालीं खातीर म्हाका लागून तुमकां सोंपेंपण येता.
तेन्ना तुमकां म्हजी याद येना, पूण गरमी सुरू जाली की ‘‘कंटाळो आयलो’’ म्हणपाक तुमी रोखडेच जमतात. गरमेन काळगां (Watermelons) खूब प्रमाणांत खपतात. तुमी सगलीं तीं खातात आनी पोट काळगां सारकें फुगयतात. म्हाका लागून तुमकां बायलांक नटून- थटून हिरोईनी भशेन लग्नाक वचूंक मेळटा. म्हाका लागून तुमकां थंड उदक, आयस्क्रीम खावंक मेळटा आनी थंडी- खोंकली लेगीत जायना.
हरशी पळयल्यार, पावसांत तुमकां भायर सरपाक नाका जाता. त्रास जातात, भिजतात आनी थंडी-ताप येता. थंडीच्या दिसांनी तुमी कुडकुडटात. ताचे परस हांव बरी न्हय? हांव जशी मार्च म्हयन्यांत येता, लोकांचे बंद पडिल्ले AC लेगीत चालू जातात. कांय जाण गरमेक लागून दिसाक दोन- दोनदां न्हातात. भुरग्यांक सुटी मेळटा. लोक मे म्हयन्यांत प्रवासाक वचपाचें थारायतात. म्हाका लागून सुती कपडे घालून भोंवपाक मजा येता आनी धुल्ले कपडे लेगीत रोखडेच करकरीत सुकून येतात.
पूण, कांय लोक गरमेच्या वतांत भायर काम करून आपल्या जिवाचो प्रेशर (रक्तदाब) वाडयतात आनी दुयेंत पडटात. भुरग्यांक चिकन पॉक्स, पिडका (Measles), दोळे येवप, उदका उणाव (Dehydration), थकवो वा उश्णतायेचो धको (Heat Stroke) बसूंक शकता. कांतीचे विकार जशें की मुडमुडयो वा वत जळप अशे त्रास जातात. पूण जतनाय घेतल्यार हें टाळूं येता. दिसाक 3-4 लिटर उदक पियेवपाक जाय. भायर वतना सुती कपडे, तोपी वा सत्रेचो वापर करपाक जाय. ताक, लिंबू सरबत वा नाल्लाचें उदक पियेल्यार कूड थंड उरता. चड तिखट, मसालेदार वा तेलकट जेवण गरमेच्या दिसांनी टाळिल्लें बरें.
गरमेच्या दिसांनी तुमकां रेनकोट वा पावसाळी बुटांची कटकट आसना. गिमांत आंबे येतात. आंबो फळांचो राजा! तो सगल्यांचे आवडीचो. भुरगीं आनी जाण्टीं गरमी येवपाची वाट पळयतात, ती फक्त आंबो खावपाक मेळटा म्हणून न्हय तर लग्नां- कार्यां कसलोच ताण (Tension) नासतना करूंक मेळटा म्हूण. कांय जाण्ट्यांची भलायकी गिमाच्या दिसांनी बरी उरता, कारण तांकां पावसाची वा थंडीची पिडा (खोंकली-जोर) बादना.
जशें जिणेंत सुखाचे दीस येतात, तशेंच दुख्खाचे दीस येतात. तशेंच ह्या पर्यावरणांत तीन ऋतू आसात: पावस, थंडी आनी गरमी. दर एका ऋतूचे जशे फायदे आसात, तशेंच थोडे लुकसाणय आसा. दर एक ऋतू आपलें काम प्रामाणीकपणान करता. म्हजेय कांय फायदे आनी थोडे तोटे आसात. दर एका गजाली कडेन आपणें सकारात्मक (Positive) नदरेन पळोवंक जाय, न्हय?
तरच तुमी म्हजो, म्हळ्यार गरमेचो आनंद घेवंक शकतले.
गरमेन येता तुमकां सगल्यांक घाम
जाता सोंपेपणान घरा भायलें काम
सैमाचो होच आसा कायदो
तर घेयात गरमेचो फायदो
नेहा नंदेश गोवेकार
9527725874
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
